വെള്ളിവെളിച്ചത്തിലേക്ക്.......
നഷ്ടപെരുമഴയിൽകുട ചോർന്നൊലിക്കുന്നു
കാലമെന്ന റോഡിൽ
കൂട്ടിനിന്നാരുമില്ല
മങ്ങിയ വഴിവെളിച്ചത്തിൽ
വളവും തിരിവുമറിയുന്നില്ല
കാലത്തിനിപ്പോൾ
കാഞ്ഞിരത്തേക്കാൾ കൈയ്പ്പാണോ ?
അറിയില്ല ........
കാരണം
നാളിതുവരെ കാഞ്ഞിരം രുചിച്ചിട്ടില്ല
പക്ഷേ ......ഒന്നറിയാം
കാലത്തിനിപ്പോൾ കൈയ്പ്പുണ്ട്
കൈയ്പ്പിനൊടുവിലൊരു
മധുരമെന്ന പ്രതീക്ഷയിൽ
കാഞ്ഞിരക്കായ തിന്നാതെ
കാലമെന്ന കറുത്ത റോഡിലെ
വെള്ള വരകളെണ്ണിയെണ്ണി
ഞാൻ നടക്കുന്നു ....
നാളയുടെ വെള്ളിവെളിച്ചം തേടി.